郭羨妮日前被家中情困印傭咬傷手臂，翁嘉穗對此甚表關注，她透露曾有不快經驗，早前便從家傭的日常生活照片，得知遭偷去泳衣及金錶拍照留影，十分激氣之餘，大嘆好家傭可遇不可求。
翁嘉穗、榮雪梅及洪芷晴等前晚現身灣仔中環廣場，出席化妝品牌LaPrairie的婚宴活動，日前郭羨妮的印傭疑因情困，失常咬傷郭羨妮手臂，加上近日又有印傭以漂白水開奶給少主等新聞，翁嘉穗對此甚表關注說：「自己屋企都有兩個工人，不過都唔會咁擔心，個仔都大。」
鎖房門保財
談到不快經驗，翁嘉穗透露請過一名家傭的行為令她十分激氣，她說：「我喺其中一個家傭相簿，發現佢着住我件泳衣，戴住我隻金錶影相，如果泳衣咁personal都會着，都唔難想像啲面衫都會着，所以好家傭真係好難搵，家我一出街，就會鎖自己房門保障自己財物。」
請工人麻煩
翁嘉穗表示好家傭難求，她最近便有不快經驗，她說：「我最近有個新菲傭嚟咗兩星期，嚟到乜都唔識，仲對住我另一個工人喊，話自己26歲女都未煮過飯，驚俾我鬧，轉頭又忽然話阿媽癱咗要返去照顧佢，我咪同家傭公司反映，對方仲話番我轉頭，話唔係包生仔，家又要買機票畀佢走，總之好麻煩。」
採訪、攝影：梁錦雯
