申報利益時間，藍鑽石唔係幫人宣傳，但寫包單今輪國際賽最好睇嗰場一定係阿根廷迎戰委內瑞拉。馬勒當拿等同香港劉華，紅足幾十年，佢第一次帶隊返老家、第一次帶隊踢世界盃外圍賽，歷史意義大，齋睇氣氛都夠！
咪怪我一雞兩味，但賭波段稿短短幾百字邊可能寫到其他嘢？78年世盃決賽（阿根廷贏荷蘭3:1）嗰陣，我大概同個女家年齡一樣──兩歲半，後嚟睇片段，睇當年球場內漫天紙碎一幕認真激動人心；喺阿根廷，百幾蚊港紙睇場波已經唔少嘢，但早幾日門票一開售就去貨一萬九千張，厲害。即管睇今場美斯、阿古路、泰維斯邊個好似當年甘巴斯咁勁？
讓球主客和：阿根廷勝[-2]
心得：一個美斯都入3球
近5場往績：WLWWW
藍鑽石
與簡拿華路同日出生嘅囡囡入學，今季大把時間睇波，尤其係意甲。