一連兩個主要國際賽日，在我眼中近乎冇波揀，球隊正選陣容難估，出線席位未殺埋身，球星戰意難測，馬會連盧旺達對阿爾及利亞這類非洲波都開盤，真正隔山買牛，我不會上當，希望波友也不致這樣爛賭。首選捧荷蘭主場大炒蘇格蘭（球賽編號：星期六39；有線64台明日3:45am直播），次選博英甲榜首戰，捧「1哥」李斯特城作客打敗彼德堡。
荷蘭皇馬3寶大勇
上周錯信曼聯，破147場未嘗連敗數據無話可說，貼列斯聯贏波兼4:2這個67倍波膽也差一球，投注全泡湯，不過只屬平注出擊，損失不多，望今周可復失地。投注同投資理財一樣，不計贏輸起碼知自己買了甚麼，有幾高風險，輸也心甘命抵；愛隊荷蘭在世盃外圍賽編組大利，列第9組對手只是蘇格蘭、挪威、冰島及馬其頓，對這樣級數的對手，首名出線機會高達9成以上，故現獲3戰全勝絕對是正常發揮。
雖然現時荷蘭由級數一般的前飛燕諾及多蒙特教練尹馬維克執教，還好陣中目前幾近全以年輕人為班底，主帥應可駕馭；適逢皇馬3子洛賓、亨特拉爾及史奈達大勇，英超兵尹佩斯、德甲老將雲邦美級數高，一班年輕球星應該勒唔住，下周三「橙軍」又於主場對馬其頓，就算要留力也會留待下場。
英甲榜首戰捧李城
對手蘇格蘭千瘡百孔，尤其中後場傷兵太多，原正選門將哥頓在新特蘭已失正選位，養傷4個月未嘗出賽的後衞侯頓也請纓上陣，領隊佐治貝利地位不穩；若今戰蘇軍早失球，不排除戰意大減，反而留待下戰迎冰島時搶3分爭次名出線更實際，荷軍單W乏味，轉捧「主勝」兼大勝波膽。
另一注，復蘇的比利時可在第5組贏作客的波斯尼亞；至於英甲榜首戰，「1哥」李斯特城近績稍回落，未篤定直升，加上今戰對手是「2哥」彼德堡，戰意必回起，以提早完成升英冠大業；首循環主場大勝對手4球，可見兩軍之分野，開出「讓球」受讓平/半，李城冇得輸！
近5場往績：LWLLL
蘋果波神
水準有目共睹，長跟必有着數。