工商銀行（1398）公佈業績，盈利狀況理想，不過都係市場預期之內，投資者最關注係策略股東會唔會減持，高盛將所持工行的8成股權禁售期押後一年，消息好正面，除刺激工行大升14.8巴仙外，其他內銀股都急升，帶動恒指升接近500點收市。
恒指以大成交重越14000關，短線推向15000關嘅機會大增，技術靚成交增加嘅股份可以優先留意。
中石油C輪15271：中石油（857）昨收6.71元，升3.7巴仙，噚日嘅主角係內銀股，中石油升幅唔算大，不過，10日線啱啱升破100日線，應該好快會上試7.40元，破位睇8元，可以諗吓隻C輪15271，昨收11.6仙，有效槓桿4倍，正股升上8元，15271有機會見21.9仙，正股跌穿6.40元，就沽咗隻輪止蝕。
俊樺