粵菜之中，港人對潮州菜、客家菜較熟悉，較少吃到的其實還有中山菜。中山菜絕對不只石岐乳鴿、缽仔禾蟲咁簡單！中山菊城小欖還愛以花入饌，一味菊花炸鯪魚球，蜆蚧醬一咬即爆，過癮！
記者：周靜雯
攝影：楊錦文
小欖菊花炸魚球$78
外層脆，魚肉帶菊花香，蜆蚧醬釀入鯪魚球中，每一口都有蜆蚧的香，記住不要太大啖咬，醬汁橫飛呀！
醬爆魚球滲花香
中山菜香港一樣有，是次來港獻技的六名師傅，均是中山小欖鎮著名食府「小欖人家」的得獎名廚，中廚部總監梁家棠師傅更是國家一級廚師及營養配餐師，他炮製的菜式，傳統風味中又加入新意，好像一道「小欖菊花炸魚球」，每粒鯪魚球均大如乒乓波，炸得金黃但絕不油膩；咬下時外層脆、內裏魚肉爽口彈牙，咀嚼一會，更嚐到淡淡菊花香，原來師傅在打鯪魚膠時，加入了菊花瓣。小欖鎮除了鯪魚球出名，還盛產菊花，有「菊城」美譽，當地人都愛將菊花入饌。鯪魚球再咬深一點，還有濃郁的蜆蚧肉汁滲出，內裏竅門是先將蜆蚧醬釀入鯪魚球，做出過癮醬爆效果，而且又不用咬一口要蘸一次蜆蚧醬。
正宗沙田柚皮清香味甜
中山是水鄉，海鮮河鮮豐富，其中「鮑汁柚皮扣風鱔」，更令梁師傅獲得中山美食節熱菜組金獎。優質的柚皮味道清香，不會有苦澀味，梁師傅力求完美，今次更由中山帶來自家風乾的沙田柚皮，「柚皮要出自廣西省容縣沙田村為最好，是正宗沙田柚，肉夠厚，沒有苦味。」扣風鱔的柚皮入口鬆化，味道鮮甜，全因師傅將之用水浸泡12小時，再用鮮魚湯煮30分鐘至入味，配合肥美白鱔，無泥味又夠嫩滑。梁師傅今次在滿貫廳駐場，只逗留至下周日（3月29日），帶來的柚皮數量也有限，用光就會暫停供應此菜，想食就要留意。
原個欖仁馬拉糕$48
中山人愛食馬拉糕，原個蒸籠上枱的較少見，糕的鬆軟度剛好，足見師傅功力。
鮑汁柚皮扣風鱔$148
梁師傅專誠帶來自家風乾的沙田柚皮，果然特別鮮味，配香滑白鱔及鮑汁，瓦罉奉上，風味十足。
蟲草花勝瓜蒸魽魚$168
蟲草花不是冬蟲草，但一樣有滋補功效。魽魚味鮮，帶蟲草花清香。
藥膳竹絲雞$268
以當歸、紅棗及黨參等藥湯，浸焗竹絲雞兩小時至入味，最後冷藏，凍食，雞肉皮爽肉滑，女士食用最啱。
滿貫廳（29667111）
跑馬地馬場快活看台二樓
（所有中山菜式供應期至4月30日）
人氣中山茶果
講到中山美食，又怎可不提茶果？凡嫁娶、滿月、祝壽，中山人都愛吃茶果。茶果味道有鹹有甜，筲箕灣一家果汁店，就有中山茶果賣，還有菜角仔、豆沙西米盞、芝麻糕及眉豆糕等十多款，每款價錢都不超過五蚊，下午茶時間尤其多人幫襯。
上：眉豆糕、中：芝麻糕、左：桂圓糕、右：紅豆糕$4/件
糕點做得相當出色，甜味適中，夠彈牙，特別是桂圓糕，桂花味清香，圓肉有頭。
中山茶果（上：紅豆、左：眉豆、右：花生）$4.5/件
外皮非常煙韌，小心黐牙，不會太甜，餡料足。
左：豆沙西米盞、右：菜角仔$4.5/件
兩款較少有的中山糕點，西米盞外皮彈牙，菜角仔餡料有蘿蔔絲及蝦米，味似粉粿。
鮮果心心（92437022）
筲箕灣東大街54-60號東強大廈地下1A-1B舖
