韓國女星全智賢手機遭竊聽案，噚日喺韓國宣判，法院判涉案嘅私家偵探社金姓老闆入獄一年，其餘兩名被告就入獄8個月、緩刑兩年同80小時社會服務令。三名被告聲稱受賢妹事務所委託而調查佢嘅私生活，雖然賢妹唔想追究責任，但法院話由於金姓被告有其他案底，加上犯過類似竊聽嘅罪行，所以要判佢坐監。