曾拍攝《武俠梁祝》、《青苔》等電影的冼色麗（Bonnie），最近忙於裝備自己，正準備進軍香港樂壇，Bonnie更邀請同公司的梁詠琪（GiGi）為其新曲MV擔任導演，實行雙線發展。
曾拍攝多齣電影，剛在影圈站穩陣腳的冼色麗，決意進軍樂壇。Bonnie坦言雖然喜歡唱歌，但不代表會做得好，她日前說：「初次進入錄音室，監製陳少琪話我唱唔出歌曲嘅感情，佢搵我坐低傾，問我感情事，又問我拍過幾多次拖，之後佢畀啲歌我聽，畀我領略吓。」Bonnie表示，其公司亦鼓勵她積極拍拖，吸收多點愛情經驗，她亦表示贊同，但無奈現在卻是單身族。
五片在手
Bonnie獲梁詠琪獻出第一次，為她的MV擔任導演，Bonnie指感覺特別，她說：「GiGi教我點做，佢好體貼，佢好鍾意嘗試，令我獲益良多。我哋喺米埔拍完之後，仲去咗附近燒烤，一大班人玩得好開心。」Bonnie又透露年中有機會與GiGi合作拍攝電影，萬分期待。
雖然進軍樂壇，但冼色麗今年仍會拍攝最少5部電影，當中一部是青春舞蹈片，完成現有新片拍攝工作後，Bonnie將要花兩個月時間惡補hiphop舞，她說：「跳舞係我嘅弱項，但係好高興接受新嘅挑戰。」
採訪：張俊銘
攝影：仇志德
髮型：NickieLamof04Orient4Group
服裝：Kensie
