今次轉玩英甲場次，揀咗場榜首大戰彼德堡主場對李斯特城，少讓平/半撐硬主隊。
先講吓目前英甲形勢。次席彼德堡有75分，榜首李斯特城有82分，最大威脅都係來自第3位嘅米禾爾（70分）。彼、李兩隊淨番7場聯賽要打，李斯特城就算攞唔到冠軍，都應該至少排前兩名直接升班上英冠，心態上放鬆些少絕對唔意外。
李城缺眾主力射手
李城作客成績雖然係最佳（11勝6和2負），但要留意當時人腳好齊章，周六到訪彼德堡似乎唔可以「夫添」噃。球隊次席射手史堤夫侯活將會坐第2場波監要停賽，3號射手安迪京治又要代表威爾斯U21出戰世盃外而缺陣。呢一對中前場組合合共入咗21個聯賽入球，冇咗佢哋攻力唔減就呃你嘅。
仲有呀，由曼聯外借嘅中場卡華利，喺上場對米禾爾嗰陣受傷，家陣返咗曼徹斯特治療傷勢，周六賽前如果冇曼聯嘅批准，卡華利唔可以預期歸隊，換言之李城又少咁件主力。
彼德堡近5場全勝，主場成績亦唔失禮，暫得12勝4和3負，如果今場贏到李城，就會將積分收窄至4分，同時更可確保直接升班次席位置。最緊要係，彼德堡鬥心強過李城外，人腳都齊過對手多多聲。後衞沙古亞利繼上周停賽後復出，另一守將奇治摩根同樣傷完好番，強陣底下讓平/半照捧。
配腳玩埋美職聯，今年先開始角逐嘅西雅圖海灣者，首戰即大炒紐約紅牛3:0，哥倫比亞射手費迪蒙迪路梅開二度之餘，再交出一個助攻，睇嚟班波幾對辦。最後一關又有多年英超經驗嘅門將基拿把關，中場龍格保今場仲傷癒復出，要再喺主場贏皇家鹽湖城唔難，單W要撐。文：畢傑
早飛王貼士
星期六5 彼德堡vs李斯特城
首選：彼德堡（上）（2.08）
次選：彼德堡細（1.8）
冷選：彼德堡勝1:0（8）
早飛倉
主菜：星期六5彼德堡（上）（2.08）@3,000
渾水摸魚過關：星期六5彼德堡細（1.8）x
星期六56西雅圖海灣者勝（待定）2x1@500
今日早餐價錢：-$3,500
上日賺蝕：-$2,500
早飛倉結餘：$66,551
周末焦點
星期六39 荷蘭vs蘇格蘭
同樣是第9組榜首之戰，不過，荷蘭在小組明顯超晒班，3戰全勝，今次入選名單包括大勇的亨特拉爾等4名皇馬兵。蘇格蘭1勝1和1負成績足以讓他們暫排次席，料難阻荷蘭全取3分。
星期六45 葡萄牙vs瑞典
葡萄牙與瑞典同樣在第1組表現失色，現分別暫排第4、5位，排名更落後阿爾巴尼亞及匈牙利兩支實力較弱球隊。周六葡萄牙與瑞典交鋒，必各以3分為目標，求盼擺脫下游形勢。
星期六46 西班牙vs土耳其
世盃外歐洲區第5組的榜首大戰。4戰全勝的西班牙有5名紅軍球員入選，包括費蘭度托利斯及沙比阿朗素等人，防線則缺佩奧爾。土耳其有端基、尼赫治及安利等主力入選。