現年20歲的新晉模特兒裴殷（A.Lin）是周秀娜的師妹，曾拍攝KFC電視廣告和演出舞台劇《我愛萬人迷》和《再見理想》，A.Lin最初被星探發掘時都擔心被欺騙，後來獲安排工作時沒有被要求付任何款項，她才放低戒心。
A.Lin除了做模特兒和拍戲外，還跟老師學唱歌，她說：「我好鍾意唱歌，想試吓唔同嘅嘢，發掘自己嘅長處。」她坦言欣賞謝安琪，被問到是否欣賞她未婚懷孕時，她強調只喜歡她唱歌及視她為目標，A.Lin說：「我覺得佢出道時間唔係好耐，已經攞到好多獎，真係好羨慕。」
嫌下身肥
三圍32、24、34的A.Lin身形嬌小，只得163cm高，她坦言不滿意身材，她說：「唔夠高，下身又肥，所以唔會行性感，因為身材唔夠好。其實入行前都有問公司使唔使整容，公司話唔使，咁公司好坦白，如果真係覺得我樣衰就叫我整啦。」
採訪：駱華齡、藍文浩
攝影：陳俊強 化妝：Meggen
髮型：ZapofChin.G
服裝提供：2%、Eutops
場地提供：Eutops