六四二十年，大學生無厘頭慣了，點會肯替支聯會做同年生的義工。他們寧願網上玩8964的Q&A。
Q：八九六四應否平反？
A：支持平反，支持政府提高見習費，4000勁奀，強烈要求8964！
Q：大學生為爭取民主犧牲，支持當年的異見者有回國的權利嗎？
A：回國好，別來香港爭飯碗。他們有8964朵可以撻，贏硬我們這些新仔。
Q：中共武力鎮壓有冇錯？重新來過，應該點做？
A：在天安門動粗極壞，應該趕晒落去地下隧道，焗住砌，冇人知，亦無人會中流彈，傳媒識飛也不可能拍到坦克車四圍轆的恐怖照片。
Q：你估特區官員包括特首有無人去過六四燭光集會？
A：有！當晚集合埋一齊，燭光晚餐！
Q：你對六四認識有幾深？
A：你咪當我六加四霎下霎下，等五號仔升到64就要盡沽，唔會博89！