由奧利華史東執導的《W.殊不簡單》前晚在圓方TheGrand戲院舉行首映禮，除了片中客串演出的章小蕙和陳偉霆（William）有現身外，楊受成夫婦、楊其龍、呂良偉夫婦及一班英皇小花小生都有來撐場，而奧利華史東單拖到場時與章小蕙和楊受成夫婦有傾有講，不過他未有接受傳媒訪問。
至於在《W.》片中飾演男護士的William就表示，自己只得幾句英語對白，他說：「當日係老闆帶我見識吓，最後就留低拍咗三場戲，自己有聽聞阿嬌被cut，但都係劇情需要，其實我都唔接受被叫做荷李活演員，今次係大開眼界，因為喺香港拍戲就食飯盒，但喺嗰邊就有廚師煮嘢食。」
怕戲份被刪
至於會否邀請女友Angelababy欣賞其演出時，William就坦言因為自己亦未欣賞過整套電影，所以他也擔心自己的戲份被刪掉，故未有邀請Angelababy的打算，以免到時被指騙人。
採訪：王崇穎
攝影：陳志嵐