與台灣總統馬英九係同學嘅律師黃國桐，多年來喺本地政壇兜兜轉轉，家係黃大仙區議員，曾加入民協，又係前綫成員，早前轉投社民連，近日又有新動向，八方聽聞佢忽然加盟民主黨。
民主黨黃大仙區議員胡志偉證實黃國桐已入黨，令該黨區內議員數目由三人加至四人，佢話拉攏黃國桐，係想加強地區實力。社民連毓民話其實黃國桐可留在社民連，只係民主黨不容許雙重黨籍，黃國桐先至要退出。
據了解，黃國桐近日入院檢查身體，應該冇大礙，佢嘅友人稱，黃加入民主黨係想壯大民主力量，又強調轉會後，與其他民主派人士友誼不變。有社民連中人指黃國桐如無定向風，在黨內也不太活躍，退出影響不大。