沙田區議會大圍選區星期日（3月29號）進行補選，呢次補選有五個候選人參加，其中李躍輝據知因未經黨批准就去馬，日前遭自由黨免除黨籍，成為真正無黨派候選人。李躍輝冇直接回應是否已被踢出黨，強調已向黨主席劉健儀解釋。
雖則李躍輝冇自由黨撐，但據講獲恩師黃宏發支持，發叔都算唔話得。呢次補選其他候選人包括民建聯袁貴才同民主黨梁永雄，另有兩名分別由天水圍及屯門空降嘅陳偉文及鄒智邦。袁貴才07年當選，後來被法庭判當選無效，因此呢次志在必得，梁永雄上次僅輸幾十票，今次係武士復仇，根據往績，民主黨喺補選中未嚐勝利滋味，今次會否打破宿命，好快揭曉。