回復單身嘅日本女星藤原紀香，噚日由肯雅返日本，見佢已經除下婚戒。前晚紀香漏夜更新網誌，以「給未來」為題交代離婚心情。佢話一直想挽救婚姻，無奈最終做唔到，但紀香話冇後悔結婚，仲希望陣內過得幸福。唔少網友同一時間登入網頁，令網站一度癱瘓。至於陣內噚日喺東京出席反醉駕活動，但冇接受訪問。