花旗股市前晚反覆下跌，噚日港股都跟住調整，不過，恒指兩日升咗過千點，跌番啲都好正常，恒指回吐288點，算係溫和，成交縮減，形勢唔算曳。
滙控（005）呢兩日升勢都幾勁，噚日跟個市回吐2.15元，但係低位承接力好強，稍為整固，可以再試45元阻力。長實（001）今日公佈業績，地產股會唔會炒多轉，就要睇長實嘅業績同埋股價走勢。
中行C輪16034：中行（3988）昨收2.42元，逆市升1.6巴仙，剛公佈完業績，全年多賺14巴仙，派息率高過去年，算係唔錯，技術走勢向上，有機會上試位處2.93元嘅250日線，可以諗吓隻C輪16034，昨收47仙，有效槓桿3.6倍，正股升上2.90元水平，16034有機會見85仙，正股跌穿2.28元，就沽咗隻輪止蝕。
俊樺