唔少對冲基金經理都識得逆流搵銀，好似「賺錢之神」約翰保爾森咁，就因為喺適當時機沽空樓市相關投資產品而狂賺，前年榮膺最高薪對冲基金經理。不過，高人唔只佢一個，善用程式交易嘅西蒙斯（JamesSimons）舊年取代咗佢，成為新晉賺錢王。
全球最top嗰25位對冲基金經理，舊年總收入116億美金（約905億港銀），雖然比07年少咗48%，但仍係歷來第三高，只少過06同07年。
呢25位對冲基金經理當中，嚟自RenaissanceTechnologies嘅西蒙斯，可以話係最識用電腦程式交易嘅賺錢專家，排名由07年嘅第3位，升到08年嘅第1位，全年勁賺25億美金，多過賺20億美金、排第2嘅約翰保爾森。國際金融大鱷索羅斯就賺11億美金，排名跌到第4。