韓劇《花樣男子》自播出以嚟衰事不斷，飾演「花澤類」嘅金賢重，前晚乘坐保母車經過江東區時，佢嘅經理人涉嫌毆打圍觀嘅fans而被警方問話。一名17歲嘅女高中生聲稱被金賢重經理人拉住衫領打頭。不過金賢重嘅經紀人否認曾經打人，佢話因為一班fans離車太近，當時佢只係拉住當事人嘅衫領叫佢哋行遠啲喎。最後兩人被警方問話後和解。