Laughing哥在《學警狙擊》中與芯姐周海媚難成一對，但現實中，謝天華卻覓得賢妻Tina（李天恩），兩人從組合風火海年代開始，到早前謝天華涉醉駕上庭應訊，執手共歷十數載風雨。
「嗰日佢要開工」
前日（23日）是Tina生日，謝天華卻要開工，Tina昨日接受本報電話訪問時說：「慶祝咗喇，因為正日嗰日佢要開工，通告好密呀。佢做咗一樣我好鍾意嘅嘢，至於係乜嘢就唔講喇。」可有送花？她笑道：「今年冇，佢唔係年年做同一樣嘢嘅人，估佢唔到。」
上周三Laughing哥殉職，Tina謂她看時也不禁流淚，對於無綫順應民意令他復活，Tina說：「我冇意見，總之佢部部戲我都會支持。」
曾任唱片公司幕後、現為周海媚經理人的Tina，只屬半個圈中人，但有神通廣大的Laughing哥fans愛屋及烏，在網上留言給她謂：「阿嫂生日快樂！」問Tina可有試過在街上被喚作Laughing嫂？她笑說：「好熟嘅朋友就有咁叫我囉。」會否擔心老公工作量增冷落自己？她說：「暫時未感受到佢工作多咗，但反應就好好，希望佢可以多啲機會啦。」
採訪：葉雪