花旗股市前晚急升，港股好友食住個勢，噚日再下一城，恒指再升462點收市，高收13910，升破埋條100日線，氣勢好勁。下禮拜一期指結算，好友現時有明顯優勢，就算外圍股市回吐，呢幾日淡友都唔係咁易攻返轉頭。
滙控（005）越升越有，噚日升近1成，報收45.80元，睇嚟會進一步上試48元，滙控之外，地產股亦可幫手撐住個市。
新地C輪15836：新地（016）昨收72.40元，升5.3巴仙，連續第2日以大成交推上，有機會升破80元，再上就睇86元，可以諗吓隻C輪15836，昨收14.5仙，有效槓桿3.1倍，正股升上80同86元，15836有機會升上19.7仙同24.1仙，正股跌穿68元，就沽咗隻輪止蝕。
俊樺