意國品牌EmilioPucci昨日在文華舉行春夏新裝茶敍，小小超李澤楷前女友羅愛欣（Rachel）、邱李茂琪和林煒珊等到場看騷。任職滙豐投資銀行的Rachel，自爆請假兩小時看騷，她承認金融業近期清閒，花紅也少了，她說：「舊年有7、8個月花紅，今年少咗，好upset。」她又指AIG高層抽巨額花紅做法不對。
「供咗十幾萬」
問Rachel會否為滙豐供股，她即力撐說：「我供咗十幾萬，我對滙豐好有信心，滙豐唔會冧，我係最近先入，喺$55.4入，一次過掃咗好多。」她更將愛股比喻男人說：「滙豐係一個好男人，我會陪佢一齊捱，我會長揸。」以前有男友，少聽她談股票，Rachel直認說：「有男友時，冇諗過要投資，嗰時好happy，家要獨立。」邱李茂琪也因巿況差，收起37幅自己的畫作不發售。
採訪、攝影：RitaLeung