郭羨妮母女昨日在家中遇襲，慘遭印傭咬傷及扯頭髮，不少無綫藝員聞訊均大為震驚，曾與郭羨妮合演劇集《古靈精探》系列的郭晉安表示戥她覺得慘，他昨日在電話中說：「有時工人都會鬧情緒，做家務係辛苦，但用暴力絕對唔啱，今次郭羨妮可能救咗佢，唔係個工人情緒咁激動，可能走上天台跳樓，家畀佢發洩咗啦。我都好關注我屋企個工人，佢湊我個仔㗎，所以我都同太太講要留意工人嘅情緒。」
郭羨妮的好友唐寧說：「嚇死我！我完全唔可以想像當時郭羨妮發生事嘅畫面，好彩今次啲警察嚟得切，唔係拳頭交呀，係攞刀喎。件事咁突然，我諗佢都要時間處理，我會SMS佢。以前我有上過佢屋企，可能有見過佢呢個工人，見佢同工人都相處好好。」
「好彩佢醒目報警」
另一好姊妹佘詩曼得悉好友郭羨妮遇襲後即說：「最緊要佢冇事，我會打畀佢慰問吓，發生呢件事係意外，都會令佢驚一驚，好彩佢醒目報警，大步檻過。」馬德鐘也在電話中說：「希望佢冇事，真係無妄之災，見到面會慰問佢㗎啦。」
撰文：林妃
