陳方安生夫婦、「媽打」李麗娟、王䓪鳴、楊鐵樑等，前晚喺深水灣鄉村俱樂部出席青協Ball。退休好幾年嘅媽打望落slim咗唔少，佢話近兩年多得一位中大教授教路，三個月內瘦身14磅，佢嘅瘦身五部曲包括：每日行一萬步、每餐份量減三分一、戒煎炸、戒甜品、菜仲要用水煮㖭。唔少人投資損手，媽打就話：「我家用e-mail同人分享煩惱，大家互傳笑話，好似laughing哥咁，最緊要笑完就算。」佢又話自己都投資蝕錢，但屬於賬面數，唔放唔算蝕，反而身邊好多太太朋友，之前為抗通脹，經常蒲銀行買賣，所以中招仲深。