香港人熱愛英式足球，但從足球衍生而成的欖球卻冷淡對待。每年一度的RugbySevens月底舉行，香港人卻永遠像隔岸觀火，看着一班運動員橫衝直撞、飛撲底線，刺激歸刺激，總覺得事不關己。但不少本地小朋友亦開始被這項刺激的玩意吸引着，屬於欖球世家的顏氏一家，爸爸是教練、媽媽是球會義工、囝囝囡囡則是小型欖球隊成員，以為他們愛欖球，誰知囡囡卻說：「我都唔想玩！」
記者：區佩嫦
攝影：梁細權
鳴謝：大坑東少林小型欖球會
MiniRugby
小型欖球適合4歲至12歲，因應年齡而分組別，一般分設U5至U12，U8以下每隊8人，U9起每組增加1人，成人每組則15人。U11-U12分上、下半場，各5分鐘，中場休息2分鐘；U10或以下則連續10分鐘。若想學欖球的話，可參加暑期欖球訓練班（收費$300/14堂），適合5至12歲兒童，查詢25048300。
學欖球先要識跌
無法想像，像欖球般感覺粗魯的運動，竟是周日的最佳親子活動，8歲的家琳和6歲的家駿便與爸媽每逢周日度欖球日。兩姊弟最初打欖球完全是「被迫」，「因為我是欖球教練，每次教波時家人也會在旁等候，與其等不如讓兩姊弟一齊學，無謂浪費時間！」家琳與家駿的爸爸顏生說。
人人也以為欖球粗魯易受傷，連顏媽媽最初也擔心，原來為小孩而設的MiniRugby則好安全，以訓練小孩的平衡力、手腳協調及體能為主，8歲以下的不會有身體接觸，9歲以上則可拉、推或擒抱，無論點都要先學識跌，「教練會教小朋友跌時不可用手撐，要抱着落地。囡囡玩了4年多最多係撞損塊面，所以都放心。」顏媽媽說。
親子關係唔教欖球
現每逢周日便是顏家的FamilyDayofRugby。「欖球會鼓勵大人與小朋友一同參與，希望爸爸媽媽成為義工或教練，所以每星期都似嘉年華，小朋友又可識到大班朋友，親子關係亦好了！」不過作為爸爸，顏先生避免擔任兩姊弟的教練，以免破壞親子關係，「我唔會對他們的球技、體能等有任何建議，始終要尊重教練，閒時最多講講欖球睇睇比賽，唔會干預他們的欖球。」
人人有獎永不落空
自從囝囝囡囡學了欖球後各方面亦有明顯進步，「家駿做事積極了，現在逢星期日都自動自覺起身。在MiniRugby比賽中講求參與，無論輸贏人人有獎牌永不落空，亦間接增強了家駿的自信心。」家駿亦自言跑得快，好鍾意打欖球：「好鍾意在草地上狂跑，學校的同學仔無人追到我!」而顏爸爸亦坦言家駿的波Sense較好。至於家琳則興趣一般，「雖然學欖球後跑得有進步，不過我唔想玩，我想跳中國舞、溜冰。」媽媽從旁解釋：「因為好少女仔打欖球，囡囡現在的歲數最重視同輩關係，佢班女同學好多都跳中國舞，所以佢咪唔想學囉！」媽咪亦預告暑假會讓家琳學溜冰及中國舞，現惟有從旁多鼓勵，希望加強他們的體能，「講老實，佢哋病少咗都係靠欖球！」
