日股同A股造好，帶動噚日港股上升，晏晝滙控（005）股價回勇，恒指升至全日高位收市，報13447，成交多咗四分一有多，衍生工具嘅淡倉大幅增加，睇嚟個市仲要挾上。
滙控報收41.70元，雖然只係升少少，但係同低位比較，反彈咗2.40元，自然加強股民嘅信心。中移動（941）反彈4.9巴仙收市，係帶個市上去嘅主要動力。H股升勢全面，鋼鐵股齊齊炒上，短線上升空間吸引。
鞍鋼C輪14997：鞍鋼（347）昨收8.46元，升12巴仙，成交增加配合升勢，下一個目標睇9.30元，破位就睇10.70元，可以諗吓隻C輪14997，昨收18仙，有效槓桿2.8倍，正股升上10.7元，14997可見33.5仙，正股跌穿7.80元，就沽咗隻輪止蝕。
俊樺