英國第三大保險公司標準人壽，舊年盈利大跌近八成，聽講集團行政總裁SandyCrombie已手起刀落，削減成本，摺埋香港嘅資產管理部門，6名高層上個禮拜被炒，連部門阿頭麥佳理（MichaelReed）都冇得留低，齊齊被out。
公司業績倒退，裁員cutbudget無可厚非，點知標壽俾財經雜誌《AsianInvestor》記者伏到，高層照舊洗腳唔抹腳，一啲都冇為小股東荷包着想，繼續大花筒。據報道講，標壽呢次派出5名高層執行「處決」行動，佢哋乘坐尊貴商務客位，入住中環五星級四季酒店，冇話公司業績差就降grade。
標壽目標喺明年底前縮減1.75億英鎊開支，約19.5億港銀，如果高層仲咁大使，想達標都幾難囉。