如假包換　明星賣飛佛

明星唔止賣靚樣、賣歌喉、賣演技，仲興賣靚衫。每隔一段日子，就會有時裝店收集明星二手衫出售，例必大搶特搶，呢期輪到LCX玩埋一份，搵陳慧琳御用StylistCelia出馬，專向女明星埋手，出售佢哋啲二手衫，仲一邊賣衫一邊支持環保，將賣出的部份收益撥捐世界自然（香港）基金會（WWF），一於向世界出發「賣」飛佛。

記者：葉雪芯
攝影：楊錦文
Model：WaiMan@stylemanagement
Makeup：Xavier

三個月無休止二手衫

時裝店賣明星二手衫一向唔捱得幾耐，最多兩三個星期貨仔，不過今次LCX出手就絕對稱得上「長氣版」，賣足三個月。全靠星級StylistCelia出手，碌晒人情卡Call齊人馬，所以陣容鼎盛，參加的Artist包括有陳慧琳、孫耀威、周汶錡、周麗淇、鄭融、黃伊汶、賈曉晨、衞蘭、莊思敏、袁彌明、徐濠縈等，共集得數千件二手衫。Celia說：「三個月的二手衫活動比以往時間長，所以搵咗好多Artist幫手，其中周汶錡同周麗淇捐得最多衫，佢哋足足有五、六大袋衫，全部名牌唔在講，有好多仲係全新。其實呢段時間仲會不停Refill，因為陸續會有Artist參加，何超儀已經答應咗，遲吓會加入佢嘅二手衫。」

陳慧琳身為Celia的好友兼同學，大住肚都瞓身支持今次環保義賣二手衫！

From周麗淇：Toga白色背心$600、D&G麖皮Lace長裙$2,800

From徐濠縈：Annette黑色SeeThroughOne-piece$1,800

From衞蘭：UrbanOutfitters黑色紳士帽$250、K2綠色格仔Shirt$80、Kitterick黑色燕尾Vest$280、HappyFactory短牛仔褲$80

衞蘭曾經穿過今次捐出的HappyFactory短牛仔褲為報章雜誌拍照。

From莊思敏：Moussy紅色LooseFitTee$290、D&G白色LooseFit長褲$1,400

鄭融：「以前試過在外國買二手衫，賣家會將服飾分類，方便搵衫。有些二手衫更會加工過，甚至買過兩件印有『ILOVEUBOYZ』的T-SHIRT！所以好恨有機會可以嘗試賣二手衫的滋味。」

黃伊汶：「很多衣服只有機會穿一次，放埋一邊又無用，掉咗又可惜，若能有機會跟愛衣之人一起分享又能帶出環保訊息就最好不過。」

一線二線牌子齊全

縱觀場內的明星二手衫，大部份有九成新，部份甚至是全新。品牌方面非常之多，其中D&G算得上是明星愛牌，陳慧琳、周麗淇、莊思敏、黃伊汶等都有大量供貨，其他品牌包括Pucci、Bluemarine、RAFSIMONS、GUCCI、A/X、Toga、MissSixty、Moussy、SLY等。可能周汶錡、周麗淇兩姊妹曾經搞過二手衫生意，對於賣二手衫十分有經驗，深知一眾大牌子未必對大家有新鮮感，所以搵來一些歐洲、美國少見的Hi-EndBrand，若然想尋寶，大家認真要出盡力喪摷！

From徐濠縈