國際賽前夕冇咩波好揀，主要集中日聯盃同日乙，波友冇咩特別心水就唞一唞，留番子彈周末博殺；不過如果信得過小弟，就要捧大阪櫻花場，周三可以主場大勝德島漩渦，博「讓球主客和」的「主勝」，增加周末出擊嘅資本。
德島漩渦日乙唔夠班
日乙開「咧」3周，大阪櫻花3戰全勝僅以得失球差暫列第2；講真以櫻花人腳，有西澤明訓、乾貴士、堤亞高馬天尼斯等好手級數，擺明想爭升班，唔再畀同市球隊飛腳威晒。今季櫻花兩場主場入5球，攻力有保證，雖然上季主場只險勝德島漩渦3:2，不過細看比賽過程，櫻花一度遙遙領先3:0，末段放鬆之下先畀漩渦追番兩球，今次只要認真少少，淨勝兩球冇難度。但較為擔心，係中場香川真司入選日本國家隊，同小腿受傷嘅後衞尾亦弘友希今仗缺陣。
德島漩渦擺明就唔夠日乙級數，上季僅以包尾完成比賽，如果唔喺日乙冇升降制度，今季日乙根本見佢唔到。呢班波作客就差都爆，上季只贏過一場作客比賽，今季首次作客，亦以0:1不敵實力平平嘅水戶蜀葵，就算今仗可以「夫添」，對櫻花都係輸少當贏。
日聯盃吼三箭上盤
同日就有多場日聯盃分組賽，要留意一啲名牌球隊，有多名主力獲國家隊徵召，實力大打折扣，往往陰溝裏翻船；其中廣島三箭主對浦和紅鑽，紅鑽就有田中達也、阿部勇樹、田中鬪莉王、都築龍太入選國家隊，三都主、梅崎司、堤俊輔因傷缺陣，唔好話強陣，連排個夠份量嘅正選陣容都成問題。廣島三箭陣容就好得多，以球隊攻力甚強，足智彩開出初盤要讓平/半，證明有信心，梗係捧埋主隊啦。文：牽牛
早飛王貼士
星期三7 大阪櫻花vs德島漩渦
首選：星期三7大阪櫻花勝[-1]（2.05）
次選：星期三7大阪櫻花大（1.6）
冷選：星期三7大阪櫻花勝3:1（10）
早飛倉
主菜：星期三7大阪櫻花勝[-1]（2.05）@2,000
渾水摸魚過關：星期三5廣島三箭（上）（1.96）x星期三7大阪櫻花勝[-1]（2.05）2x1@500
今日早餐價錢：$2,500
上日賺蝕：-$4,500
早飛倉結餘：$70,051
規則：$100,000本錢，每日買早報最多動用$5,000，最少$1,000，逢周二、五見報。
周中焦點
星期三1 磐田山葉vs橫濱水手
兩支日聯老牌球隊今季開「咧」表現平平，磐田山葉上仗賽和浦和紅鑽，才取得第1分，橫濱水手3戰亦只得2和1負；今仗日聯盃賽事，睇吓邊隊可以反底。
星期三16 奧羅拉vs甘美奧
玻利維亞球隊奧羅拉，在南美自由盃G組兩戰皆北，而且還未取得入球，就算周三主場出擊，面對巴甲球隊甘美奧，亦恐凶多吉少。