日本女星田中麗奈同男星豐川悅司，早前添食，幫合作咗兩年嘅廣告商，拍攝新上市嘅士多啤梨味SOYJOY大豆果滋棒廣告。佢哋今次唔再做上司下屬，反而由麗奈以可愛士多啤梨妹look示人，扮演任性嘅新晉女星，激到經理人豐川紮紮跳冇晒符。由於廣告故事對佢哋嚟講冇難度，所以一日就拍完，而麗奈嘅造型曝光後，仲掀起新一輪cosplay風潮。