花旗AIG嘅花紅風波仲未平息，不過呢啲都係政治騷，對挽救經濟無關，反而國會預算案辦公室公佈嘅預算赤字大過奧巴馬估計嘅好多就值得留意，因為連民主黨議員都有啲唔滿意，睇嚟奧巴馬嘅預算案無可避免會被修改，到時花旗股市又難免波動。
花旗股市下跌，今日港股應該會低開，跟住點走，就要睇滙控（005）及中移動（941）表現。
紫金C輪14210：紫金（2899）上周五收5.88元，升咗一成六，大成交突破250日線，金價短線有機會試1000美元，紫金下個目標價睇6.80元。如果今日低開，吸引力仲大，可以諗吓隻C輪14210，現價14.5仙，有效槓桿2.4倍，正股升上6.80元，14210可見20.4仙，正股跌穿5.35元，就沽咗隻輪止蝕。
俊樺