性感女子組合Freeze成員甄穎珊同埋陳樂榣，日前接受網上男士休閒雜誌MEN1000.COM訪問，大談愛情觀及閨房樂。節目錄音前，曾經同黃宗澤拍過拖嘅甄穎珊話第一次畀咗初戀男友，問到係咪黃宗澤？甄穎珊話唔係。
甄穎珊重size
節目中，甄穎珊好豪放咁談論性事：「一定要有愛先有性，我唔係要同你拍咗拖好耐先可以發生關係嗰啲人，只要我認定你係我男朋友，anytime都可以，如果協調（指性生活）同sizeOK，思想上又溝通到就可以拍好耐。」
節目主持人問Freeze失身經過時，甄穎珊指佢嘅失身對象係初戀男友：「我鍾意公平，我第一次你最好都係第一次，不過當時大家都係第一次，試好多次先得。」
陳樂榣就話冇失身畀初戀男友：「我第一次係畀咗個女仔，永遠好深刻印象。」其後佢翻兜初戀男友並發生性關係，但感覺唔好受：「同佢第一次感覺幾痛，以為梗係女仔舒服啲，完全唔係，感覺唔係幾好。」佢仲話：「性生活唔協調，對於感情係好大嘅障礙。」
月前陳樂榣同Gucci亞太區高層鄧婉穎之子潘熾恒甩拖，訪問中佢狂寸舊愛：「我唔鍾意Gucci。」其後再爆潘熾恒花弗，佢話：「上一段感情係上天懲罰我，好多阻滯，又傳媒啦、佢屋企人啦、又第三者第四者啦。」