韓星張東健等15名首爾瑞草區一大廈嘅業主，控告韓片《我班friend好搞嘢》男星任昌丁等13人舊年將物業改建加高後遮住佢哋座大廈，影響單位嘅日照權而令樓價下跌，入稟索償5萬至46萬港元。法庭噚日宣判張東健原告一方敗訴，原因係受害程度輕微。此外，事務所對健哥捲入Rain嘅洛杉磯爛尾官司表示離譜，力斥影響健哥聲譽。