比賽進行中，無論是射兩分波或3分波，都一定有人「嘜」實，準繩度自然不及企定定的罰球。想當罰球殺手，便先看看「3分王」翁金驊（圖）傳授的3大要訣吧！
先由站立姿勢開始，雙腳闊度約相等於膊頭闊度，右腳（左撇子相反）稍前以取重心；手法方面，要緊記兩個90度，即前臂與手臂、手臂與膊頭皆分別要彎曲成90度。
一分天份、九分努力
做好整個準備動作後，由膝頭開始發力一蹬，籃球則放於額前起手；完成整套動作後要保持跟進（即手臂、手腕及手指皆指向籃框），以保持準繩度。
此外，心理質素亦不容忽視，關鍵時刻射罰球經常「手緊」，翁sir表示最緊要以平常心對待，越驚唔入就一定唔入。最後，他指出最重要是「一分天份、九分努力」，做甚麼也要努力付出，想百發百中便勤加練習吧！