第十三屆人權新聞獎噚日舉行頒獎禮，八方多位同事獲殊榮，恭喜恭喜。《蘋果》中國組報道內地各界人士聯署《08憲章》遭中共打壓嘅新聞，獲報章新聞組大獎；雷子樂報道警方針對示威者，就獲得優異獎。
望天水圍不再悲情
雷子樂同時獲得報章特寫組大獎同優異獎，天水圍三屍倫常慘劇一周年，佢訪問咗苦爸爸陳啓林，回顧悲劇深層原因，同天水圍社區支援不足有關，得到大獎；而佢訪問港大女生陳巧文自製雪山獅子旗，喺奧運聖火在港傳遞時抗議嘅報道，就得到優異獎。雷子樂話希望報道令更多人關心天水圍社區問題，唔好再標籤做悲情城市。雷子樂同另外幾位同事黃偉駿、盧文烈、簡明恩有關市民反對陳巧文示威嘅報道，都獲得優異獎。八方鄰居尊子嘅作品《等你一票》，獲得漫畫組大獎。
人權新聞獎由記協、外國記者會、國際特赦組織香港分會主辦。