日本女星藤原紀香難忍諧星丈夫陣內智則偷食而決意離婚，消息轟動日本。原來喺今個月初，兩家人曾經舉行家庭會議，紀香老竇仲勁鬧陣內一餐。另外，正身在非洲工作嘅紀香，喺上周四傳出離婚消息當晚，曾經打長途電話畀好友、日劇《高校教師》男星京本政樹。雖然京本冇透露對話內容，但佢話紀香把聲好精神，令佢十分放心。