上期有幸命中愛斯賓奴和馬略卡3:3波膽，今周再接再厲，向西甲大波膽埋手，串射日職聯的大阪飛腳，希望可以命中兩關，收穫更大。
拉科魯尼亞一向係西甲嘅「神經刀」，正如他們前仗能夠主場以5:3擊敗桑坦德，但上仗又作客以2:3不敵希杭；而他們主場輸大波膽亦有前科，像今季聯賽不敵西維爾及希杭，都是失3球，而歐協盃主場負阿爾堡一役，也是輸1:3。
貝迪斯除咗上場主場和奧沙辛拿0:0外，曾經接連6場開大波膽，當中有3場都係開2:2，而且對手是維拉利爾同巴塞隆拿呢類實力唔錯嘅球隊，證明佢哋有一定入球能力，今場贏拉科3:2有成50倍，冷門心水。
博桑坦德飛腳齊贏3:1
至於桑坦德大比數輸畀拉科後，上場向紐文西亞發洩，主場狂數5粒，連開兩場大波膽。今場對華倫西亞，主要係後者傷兵滿營，近況亦極差，聯賽連續6場未贏過。不過，勝在有入球能力，6場中有5場都有1個「士哥」，故博桑坦德贏3:1。
最後博季初場場入3、4球嘅大阪飛腳，作客京都不死鳥再入3球。事實上，以李安度蒙迪拉喺亞冠盃表現，飛腳有條件今場多入波，況且飛腳最近3次到訪京都不死鳥都有失一球，開2:1或者4:1，今次一於博3:1呢個「盲門」。文：戰鬥員A