名模MandyLieu、張震、許志安和梁漢文等前晚在會展出席AudiQ5新車酒會。前日24歲生日的Mandy春風滿面，她透露男友陳柏霖專程返港與她慶祝生日，她說：「行街食飯睇戲，最surprise係佢送咗一個兩呎高嘅音樂盒，同我耳上呢對鑽石珍珠耳環畀我。」
驚聞學生犯案
談到近期有中學生玩4P被警方拘捕，Mandy大感詫異說：「嘩！我喺馬來西亞讀中學時，都要着長袖衫，因為回教國家保守啲，13歲都係喺學校踢波，17歲先識同女同學傾識男仔嘅嘢。」
Mandy不贊成未成年有性行為，她說：「唔贊成，身體都未成熟。」問她何時發生第一次？她說：「18歲，不過今日係講車，下次先講性。」
張震練功消瘦
張震獲大會送贈50萬港元的新車，他透露為拍《一代宗師》練功致消瘦，他說：「不是詠春，我是練其他門派，練了一個月，6月開拍，不會有壓力，但如果梁朝偉有八塊腹肌，我便有壓力了。」
採訪：羅慧敏
攝影：陳志嵐
