上期貼中馬略卡半場開冷W，今次繼續搵「半場主客和」冷嘢；日聯賽事，鹿島鹿角主對廣島三箭，以鹿角近期分心亞冠盃，體力消耗大，冷選三箭呢支升班馬半場領先，半場客W有4.4倍㗎！
鹿角上仗主場擊敗FC上海，取得分組賽首勝，不過比賽所見，FC上海失波後，開始「要腳唔要人」，踢到幾位鹿角主力飛起，鹿角呢3分得來不易；經過3日休息後，鹿角又要應付本土聯賽，以鹿角唔鍾意大變陣風格，實在唔易啃。特別上仗聯賽就因為咁，作客輸畀實力平平嘅新潟天鵝。三箭升班後，維持日乙嗰種有前冇後打法，兩仗攻入6球，而且上半場全部有波入；今仗隨時又趁鹿角唔為意，上半場領先。不過鹿角質素較高，全場未必輸，博半場客W外，「半全場」宜冷選「客/和」及「客/主」兩瓣。
熱拿亞2:0、3:0啱數
配腳方面，意甲嘅熱拿亞鬥志強橫，上仗都可以破數據，作客擊敗卡利亞里，今次主場對烏甸尼斯，以客軍剛打入歐協盃8強，目前處於中游，護級沒有大壓力，當然博熱拿亞大勝，波膽就揀主隊贏2:0及3:0。守尾門方面，西甲兩支升班馬大戰，紐文西亞主場對希杭，近況當然客軍較好，我唔信紐文西亞讓得起平/半，直頭揀埋2.7倍客W。文：牽牛