捱完《豬肝保氣》，三色台終於有套較吸引嘅劇集，雖然呢套學警劇情都老套，離不開卧底想捉黑幫大佬，又愛上大佬個妹呢啲嘢，不過就爆出兩大奸角：微笑哥同元朗老大，微笑哥由跳舞組合出身，今次突破演出深受好評，希望佢成為最佳男配角。元朗老大一向被評靠母親，不過奸得嚟又夠爆笑，據聞交友網facebook更有群組支持佢。
以前做奸人，出街隨時俾人鬧，家觀眾就清醒好多。曼聯球星基斯坦奴朗拿度雖然靚仔，不過都幾多奸嘢，又插水又扮傷，不過只要球隊贏波，又有咩所謂；曼聯上仗俾利物浦大炒，我唔信佢哋連續兩仗失威，整定富咸唔好彩嘞！
主客和：曼聯勝
心得：曼聯唔會衰兩次
近5場往績：WLWLW
牽牛
列貝利、拿斯尼、哥古夫……個個都叫「新施丹」，不過施丹喺我心目中只得一個！