行家Keyman早幾日喺某娛樂節目做嘉賓，佢不失口水佬本色，成個訪問幾乎反客為主，你問我，甚至覺得佢比個家樂仔更似主持。
藍鑽石只係同佢喺兩、三次大圍活動見過面、同枱食過飯，稱不上認識，所以喺節目度聽佢講入行經過，由報紙佬、講波佬，到以綜合節目主持為目標嘅心路歷程，都幾新鮮。除咗口水多過茶，比較深刻係佢有居安思危、敢於求變嘅特質，值同行學習。另外，佢提到大學讀社會學乜都識，其實好似乜都唔識，我感同身受。點解？因我都係Soci仔。
禮拜日我會留意另一個keyman──費倫天拿嘅「鎖匙人」蒙杜利禾，佢係時候幫「紫百合」贏番場。
主客和:費倫天拿勝
心得：錫耶納衰開有條路
近5場往績：LWWWL
藍鑽石
與簡拿華路同日出生嘅囡囡入學，今季大把時間睇波，尤其係意甲。