香港電視台鬧小生荒，搞到好多中生出山仍然大受歡迎，呢個情況喺荷李活一樣出現，夢工場型男，來來去去只係曉治積曼、尊尼特普、佐治古尼及畢彼特等年過40中生，新一批較為睇得吓嘅奧蘭度布林都32歲；至於20出頭嘅所謂型男，好似《變形金剛》嘅沙拉保夫、《歌舞青春》嘅ZacEfron同《吸血新世紀》嘅羅拔畢迪臣，唔係似細路，就係乸型或者雙眉壓目似奸臣，真係唔識欣賞！
好彩，足球壇就不時會有新星或新球隊湧現，好似今屆德甲升班馬賀芬咸咁，令人眼前一亮；雖然歇冬後佢哋表現似乎有所滑落，但喺周六迎戰漢諾威時，兩隊都咁主動兼神經刀，應該可以順利開「大」。
大細：賀芬咸大
心得：兩隊都係神經刀
近5場往績：WWLLD
吾中
買嘢講名牌，但賭波一定唔會做名牌奴隸嘅大聯盟女神。