日本剛推出掃把佬WRXSTi嘅ALine新版，呢架由車架到底盤，均流住傳統瘋狂血統嘅WRX，將戰意提升至另一層次，引擎馬力仍以2.5LTurbo嘅水平對向偈為主打，AVCS系統持續控制活瓣運作時間，大幅改善低、中轉扭力，性能同表現持續霸道，但外觀及設備從良，首先車身噴上全新珍珠白，光滑得平易近人，鬼面罩及頭燈變得斯文親切，兩廂式車身亦再無「餐枱尾翼」出現，不過頭冚一大個Turbo入氣口，喺街見到仍然好難當佢無到。
車櫳方面，八方向式電動座椅，毫不費力Fit到乘客同司機，軟皮內櫳及銀線車邊，斯文得嚟都有格調，加上五前速Sportshift波箱，配搭+/-波撥片能更瀟灑發揮STi性能。單睇規格已相當誘人，雖然代理仲未確實日本會否派貨到港，但按照過往亦有ALine版到港經驗，相信掃把佬車迷都會樂觀嘅。
記者：徐影龍