向來以魔鬼身材見稱的混血名模Jocelyn，昨日在觀塘與「動漫Maggie」李曼筠齊齊出席復活節活動，倡議環保的Jocelyn原來愛與夫婿Anthony一起冲花灑浴，保持蜜月感覺。
有「翻版關之琳」之稱的混血名模Jocelyn和「動漫Maggie」李曼筠昨日在觀塘舉行的活動上齊齊裝飾復活節蛋糕，不過Jocelyn俯身裝飾蛋糕時，雖然已經小心行事，但都險些走光，事後Jocelyn被問起時，她有點尷尬地笑問記者：「看見了甚麼？」後來當她知道自己未有失手後，面容總算放鬆。
一星期冲兩次
一向都支持環保的Jocelyn，昨日大談環保心得，她坦言要愛惜地球，否則未來日子會很難過，問她會否與丈夫Anthony為環保慳水而一齊冲凉，Jocelyn聽聞後笑說：「Honeymoon時差唔多日日都會一齊冲，家我哋一星期都會有1、2次一齊冲凉，不過只會係花灑浴，唔係浸浴缸，一齊冲凉係慳水啲，但反而覺得我哋日日都仲好似Honeymoon㖭！」
李曼筠拒隆胸
此外，對韓君婷將會接受隆胸注射一事，動漫Maggie說：「我唔知道呀，一向都冇留意隆胸嘅新聞，可能我自己冇咁嘅必要，如果我去隆胸嘅話，我怕會睇唔到個地下呀！」至於會否贊成隆胸，她說：「呢啲好睇自己嘅諗法，身體係自己，人哋點講都冇用，最緊要係自己嘅感受，不過我就好怕注射啲嘢入自己嘅身體，所以冇諗過。」
採訪：何慧斯
攝影：陳順禎