米高積遜（MichaelJackson）將於7月喺英國倫敦展開50場演唱會，佢除咗會以大量新裝示人，仲決定再做整容手術。據講米高近日已同多名世界頂級嘅整容醫生商討佢塊面要點整，希望畀觀眾耳目一新嘅感覺。雖然連細路都知米高整過N次容，不過佢最近受訪時話自己只係喺個鼻度加過工一次，皆因佢呼吸唔暢順，係逼不得已先咁做！