花旗股市前晚峯迴路轉，初段都係窄幅橫行，冇乜氣氛，點知聯儲局會議之後話會大灑1萬億美元救市，股市即刻抽高，不過投資者諗到伯南克又係靠印銀紙救市，美元即刻大插。
滙控（005）喺股東大會表決供股投票之前偏軟，港股轉為窄幅上落，不過成交就顯著增加，睇嚟滙控「威士」下周一開始買賣之後，個市都會幾波動。
江銅C輪15084：江銅（358）昨收7.68元，升7.5巴仙，隻股喺禮拜一抽高，成交好大，跟住兩日整固，成交縮減，噚日又再發力炒上，成交大增，睇嚟好快試8.20元，破位將推向9元，可以諗吓隻C輪15084，昨收11.3仙，有效槓桿3.6倍，正股升上9元，15084可見19.4仙，正股跌穿7.20元，就沽咗隻輪止蝕。
俊樺