牽牛周二叫人買雲達不來梅早飛，結果跟佢早買平手盤嘅波友唔使輸錢，遲買轉讓平/半盤嘅就慘輸半格，領前兩球都俾聖伊天迫和2:2。今期我揀嘅好簡單，總之點都要買周日桑坦德主場贏華倫西亞，少讓平/半唔怕重槌上盤。
華倫呢排負面新聞不絕，聽聞財政狀況去到極唔掂嘅地步，中場祖亞昆仲喺記者會上做衰仔，叫球會高層好快啲賣走韋拿同大衛施華兩主力套現，睇嚟佢同兩位西班牙同鄉關係好極有限。最慘嘅係，華倫家有成9個傷兵，全部缺席周中操練，包括韋拿、米基爾蒙迪路、祖亞昆、連倫比列圖、艾比達、巴拉查、摩連迪斯同馬杜路等人，要知道大部份都係常規正選。
華倫殘陣作客聽劏
至於大衛施華同巴拉查日前只可以作緩步跑，預計臨場出得都好打有限；最重要係韋拿九成九要避戰對桑坦德，屆時又有中堅馬真拿停賽，真係陣容超殘。作客更加唔係華倫強項，所有賽事計，近11場僅4和7負，上盤真係要快捧。
排喺第10嘅桑坦德，仲有機會爭歐協盃資格之餘，同樣要攞分遠離降班區域；上周5:0大炒紐文西亞，奧斯卡沙蘭奴及施積各梅開二度。今周強陣下，記住捧上盤贏殘兵華倫！
維拉利爾熱W啱做腳
為盡快將本欄積分上番正數，再揀西甲作配腳，要維拉利爾主場贏畢爾包，熱熱地啱晒做過關膽。維拉利爾上周有查維雲達領紅被逐下，畀馬體會反勝3:2，今周除缺呢位右閘停賽外，其餘位置屬「夫添」。畢爾包有靈魂耶斯迪及韋利斯坐波監，射手洛蘭迪喺客場入球率又低，要W加「主勝」。最後要埋巴塞隆拿主場對馬拉加開2.05倍「大」，3.5球都要捧。文：畢傑
早飛王貼士
星期日41桑坦德vs華倫西亞
首選：桑坦德（上）（2.05）
次選：桑坦德[主/主]（3.5）
冷選：桑坦德勝3:1（16）
早飛倉
主菜：星期日41桑坦德（上）（2.05）@4,000
渾水摸魚過關：星期六66維拉利爾勝（1.67）x星期日41桑坦德（上）（2.05）x星期日50巴塞隆拿大（2.05）3x1@500
今日早餐價錢：$4,500上日賺蝕：-$500
早飛倉結餘：$72,551
規則：$100,000本錢，每日買早報最多動用$5,000，最少$1,000，逢周二、五見報。
周末焦點
星期六25 熱刺vs車路士
倫敦打吡大戰。熱刺近16場主場賽事僅曾敗給愛華頓，早前迎擊阿仙奴及富咸等倫敦球會俱保不敗；車路士有迪高收「咧」，但復出的艾辛極勇，而軒迪克上任後成績為6勝1和。
星期六67 羅馬vs祖雲達斯
羅馬在歐聯16強出局後，再於聯賽失分予森多利亞，今周迎擊祖雲達斯有馬高莫達停賽。祖記近3季意甲到訪羅馬，錄得2勝1和佳績，迪比亞路上周又梅開二度。
星期日35 利物浦vs阿士東維拉
利物浦要爭英超聯首個錦標，上周決心盡現，作客以4:1技術擊倒曼聯，周中更有領隊賓尼迪斯續約至2014年。維拉已被阿仙奴扒頭搶走第4名，一嘗歐聯夢必與紅軍鬥個你死我活。