內地電影導演馮小剛最近獲鳳凰衛視等十幾個華語傳媒機構共同推選，成為「2008影響世界華人大獎」得主，馮大導08年喺內地執導嘅電影《集結號》同《非誠勿擾》，總票房超過10億人民幣。馮小剛知道自己得獎，梗係覺得好開心啦，佢希望自己嘅電影能夠喺外地發揚光大。呢個頒獎禮會喺本月28日晚於北京大學舉行。