關楚耀與衞詩在日本涉嫌藏毒被捕，圍繞毒品的話題不絕。母親級名模馬詩慧直認丈夫王敏德也曾在外國吸毒，但知錯能改，更以過來人身份，告誡子女勿行差踏錯。
本地名店JoyceBoutique今季搞了個時裝與藝術的計劃「DreamBigger,LiveHarder,LoveDeeper」，請來巴黎造型名師CatherineBaba來港做styling，昨日在中環舉行時裝騷，由謝婷婷等模特兒行騷，活動吸引了琦琦、馬詩慧（Janet）、周汶錡、榮雪梅和黃佩霞等名模及靚太捧場。
見過女模揩完出騷
LisaS.早前大爆模界多人吸毒，CaraG.更指富豪免費提供毒品，前輩馬詩慧說：「我嗰個年代純品啲，我冇見過人食，但有見過啲人揩完出騷，可能個mood好啲，投入感大啲啦，但唔應該靠毒品high囉。」她謂不會以前輩身份勸阻其他女模，因為說教意味太濃，但自己子女則會多傾談，着她們遠離毒品，她說：「我哋做家長，會睇情形同佢哋傾，家啲小朋友，人哋做佢唔做，會俾人話out。」
外國毒品更普遍，問Janet其夫王敏德有否試過？她直認不諱說：「有啲，佢嗰時喺外國。」那一種？大麻？她說：「我冇尋根問柢，每個人都有以前嘅事，冇過去冇現在啦。」她謂子女都知情，她說：「每個人都有做錯事，做錯改過，佢有呢個經驗，講畀啲仔女聽，更加有說服力。」
婷婷談戀情不耐煩
同場的謝婷婷日日開工行騷，她被問到安志杰母親指兩人是拖友關係，她有點不耐煩說：「我唔睇新聞，上次你哋又話栢芝有咗，我唔信你哋，人哋講，我唔理。」即時以趕時間為由離開。
採訪：JessicaNgan
攝影：MatthewLam