花旗股市造好，港股噚日避過下試支持位嘅命運，恒指上升239點收市，報收13117，啱啱企喺50日線水平，但成交大幅縮減要特別留意，個市升咗咁多日，如果冇大成交支持指數向上突破，技術調整應該好快出現，起碼要回試條10日線。
大市嘅焦點仍然係滙控（005），大市炒上定炒落，睇住佢就得，噚日股價再升近6巴仙，短線偏好。
港鐵C輪15849：港鐵（066）噚日報收18.32元，升2巴仙，前日升破100日線之後，噚日繼續有買盤跟進，喺靜市之中成交增加，可以進一步上試19至20元阻力區，破位就睇21.50元，短炒可以諗吓隻C輪15849，現價24仙，有效槓桿3.8倍，正股升上21.50元，15849有機會見42.4仙，正股跌穿17.30元，就沽咗隻輪止蝕。
俊樺