湯盈盈和謝天華日前先後因為醉駕而被定罪，前晚他們到尖沙嘴拍攝《獎門人》時，不避嫌大飲日本清酒，但都適可而止，只飲幾啖便以茶代酒，以免出事。
因醉駕而被罰停牌的湯盈盈和謝天華近日已收拾心情投入工作，前晚兩人到尖沙嘴拍攝《鐵甲無敵獎門人之絕密Encore》，同場還有主持曾志偉、錢嘉樂、阮兆祥、王祖藍、鄧兆尊、洪天明、姚樂怡及賈曉晨等等。
嘉樂買飛捧盈盈
眾人在場大擦日本菜，其中湯盈盈和謝天華雖然剛剛因醉駕被定罪，但兩人鏡頭前都不避嫌與眾人一起飲日本清酒，表現開心，但鏡頭後謝天華和湯盈盈都以茶代酒，未有豪飲。問到志偉是否禁止兩人飲醉酒？他說：「唔會，其實飲酒都唔係乜嘢壞事，但當然唔可以揸車，反正家佢哋都冇得揸車，我會搵人親自揸車，送佢哋返屋企。」天華則說：「我飲咗好少咋，22毫克以下。」
盈盈前晚雖與緋聞男友錢嘉樂同場，但兩人表現避忌，未有單獨交談和合照，盈盈卻與志偉及洪天明攬頭攬頸，令這段緋聞顯得此地無銀。志偉表示會找專人送盈盈，問她是否錢嘉樂會親自送她返屋企？盈盈扮聽不到，至於兩人不合照，她說：「冇尷尬喎，梗係冇嘢。」湯盈盈昨日又到灣仔出席她做主角舞台劇《看更》的記者會，問到時錢嘉樂會否捧場時，她說不知道，但表示他應買30張門票，以示支持。
天華檔期難遷就
此外，謝天華昨日接受商台節目訪問時，對於有指他沒有時間做社會服務令，他說：「我知道我哋工作時間好唔穩定，如果做唔到就要3日前通知，唔係就有機會將件case再審一次。」
採訪：王崇穎、駱華齡
攝影：黃偉雄