數碼產品真係純粹追求新科技？新興嘅NetBook已經話畀大家知，有時回歸原始，加點心思及品味，一樣紅得起！最近日本amadana公佈推出一部集PMP及Webcam於一身嘅Sal袋裝手提機；30萬像素CMOS鏡頭、2GB內存，再配個2"芒仔，行過香港任何一個腦場都搵到相類產品，不過當你見過佢實物，Trendy色調加「小可愛」嘅外形，真係幾討人歡心。
功能好簡單，只係用嚟拍640×480MPEG-4影片，但除咗喺2"芒仔睇外，機身仲有一對USBIn、Out位，兩機互插，就可以直傳生活短片，感覺幾私隱，又有Lifestyle品味；預計5月日本推出，機價19,950日圓（約港幣$1,568），呢啲咪叫創意工業囉，真係搵到錢！
記者：朱崇德